گوجرانوالہ(نمائندہ خصوصی) تھانہ فیروز والا کے علاقہ میں واقع یوسف میرج ہال پر جیب کتروںنے دھاوا بول کر کئی باراتیوں کی جیبیں کاٹ لیں، ڈسٹرکٹ انفارمیشن آفیسر گجرات سید وقار جاوید نقوی جو اپنے قریبی عزیز کی بارات میں شریک تھے کی جیب سے 13 ہزار روپے نقد، نیشنل بنک اور حبیب بنک اکاونٹس کے اے ٹی ایم کارڈ، شناختی کارڈ، ڈرائیونگ لائسنس، ذاتی کار کا رجسٹریشن کارڈ اور دیگر قیمتی اشیاء  نکال لی گئیں۔ دیگر افراد سید انتظار حسین سکنہ گربلا سیداں، سید خرم سجاد قیمتی موبائل فون سے محروم ہو گئے۔دوسری طرف تھانہ صدر کے اے ایس آئی افتخار ورک و ٹیم نے شادیوں میں  شرکا کے پرس ،نقدی اور موبائل فونز چوری کرنیوالے گینگ کے دو ارکان ذوالفقار اور مظہر کو گرفتار کر کے  نقدی،موبائل فونز طلائی زیورات اسلحہ برآمد کر لیا اسی طرح سیٹلائٹ ٹائون مارکیٹ کے تاجروں نے تھانہ سیٹلائٹ ٹائون کو درخواست دی کہ ان کی دوکانوں سے 18قیمتی سوٹ ،13بچگان شرٹ ،48عدد اسیسریز جن کی مالیت تقریبا 2لاکھ سے زائدتھی دوعورتیں لے کر فرار ہو گئیں پولیس نے مقدمہ درج کر کے تحقیقات کی اور سی سی ٹی وی فوٹیج کے زریعے دونوں عورتوںوحدت کالونی کی رہائشی طیبہ اور ثناء کو ٹریس کر کے گرفتار کر لیاجن سے چوری کیا مال بھی برآمد کر لیا ۔