کوہاٹ:وین،منی ٹرک میں خوفناک تصادم،ایک خاندان کے 8افراد جاں بحق

کوہاٹ (این این آئی) کوہاٹ کے قبائلی سب ڈویژن درہ آدم خیل کی حدود میں انڈس ہائی وے پر کوہاٹ ٹنل کے قریب ٹریفک کے المناک حادثہ میں ایک ہی خاندان کے 8 افراد جاں بحق اور 5 دیگر شدید زخمی ہو گئے۔ حادثہ سوزوکی وین اور منی ٹرک کے مابین ہوا جس کی وجہ سے سوزوکی وین میں سوار ایک خاندان کے افراد لقمہ اجل بن گئے۔ کرک سے پشاور جانے والی سوزوکی وین مخالف سمت سے آنے والے منی ٹرک سے ٹکرائی۔ جاں بحق افراد میںدو بچے اور چار خواتین شامل بتائے جاتے ہیں۔