اسلام آباد (نوائے وقت رپورٹ) پاکستان پیپلز پارٹی (پی پی پی) کے چیئرمین اور وزیر خارجہ بلاول بھٹو زرداری سے چینی سفیر نے ملاقات کی۔ ملاقات میں دو طرفہ تعاون رواں برس بھی جاری رکھنے کے عزم کا اظہار کیا۔ چینی سفیر اور وزیر خارجہ بھٹو زرداری کے درمیان ہونے والی ملاقات میں پاکستان اور چین کے مابین تعلقات کی کامیابیوں کا جائزہ لیا گیا۔ پاکستانی وزیر خارجہ اور چینی سفیر نے ملاقات میں سی پیک منصوبہ کی ترقی کے عزم کا اعادہ کیا۔ وزیر خارجہ بلاول بھٹو زرداری اور چینی سفیر نے سیلاب کے بعد تعمیر نو کو بہتر بنانے کیلئے کوششیں تیز کرنے پر بھی اتفاق کیا۔