جامعہ کراچی: بذریعہ ٹیسٹ و اوپن میرٹ داخلہ فیسیں 9 جنوری تک جمع کرائی جاسکتی ہے 

اچی (اسٹاف رپورٹر)انچارج ڈائریکٹوریٹ آف ایڈمیشنز جامعہ کراچی ڈاکٹر صائمہ اختر کے مطا بق جامعہ کراچی کے مختلف شعبہ جات میں داخلہ ٹیسٹ اور اوپن میرٹ کی بنیادپر ہونے والے داخلوں کی فیسیں جمع کرانے کی تاریخ کا اعلان کردیاگیاہے۔تفصیلات کے مطابق جامعہ کراچی کے مختلف شعبہ جات میں بی ایس(مارننگ پروگرام)،ڈاکٹر آف فارمیسی(مارننگ وایوننگ)،ڈاکٹر آف فزیکل تھراپی ،بی ای، بی ایڈ(آنرز) اور اوپن میرٹ کی بنیاد پر ہونے والے داخلوں جن میں بی ایس فرسٹ اور بی ایس تھرڈ ایئر کے داخلے شامل ہیں کی داخلہ فیسیں 09 جنوری 2023 ء تک جمع کرائی جاسکتی ہیں۔ ایسے طلباوطالبات جن کے نام داخلہ ٹیسٹ اور اوپن میرٹ کی بنیاد پرہونے والے داخلوںکی جاری کردہ داخلہ فہرستوں میں آچکے ہیں وہ اپنی داخلہ فیس03 تا09 جنوری2023 ء تک صبح09:30 تاشام 4:00بجے تک جمع کراسکتے ہیں۔ طلبہ اپنے آن لائن پورٹل سے انرولمنٹ فیس وائوچراور انرولمنٹ فارم کا پرنٹ لینے کے بعد متعلقہ دستاویزات کی جامعہ کراچی کے جمنازیم ہال میں قائم داخلہ کمیٹی کائونٹرز سے تصدیق کرانے کے بعدجمنازیم ہال میں واقع بینک کائونٹرپرہی اپنی داخلہ فیس جمع کراسکتے ہیں ۔واضح رہے کہ داخلہ فیس صرف بینک الفلاح اسلامک کے کائونٹر واقع جمنازیم ہال جامعہ کراچی میں بصورت کیش جمع کرائی جاسکتی ہے اس کے علاوہ کوئی اور بینک داخلہ فیس وصول کرنے کا مجاز نہیں ہوگا۔