گگو منڈی، خاتون کے قتل کا معمہ حل، شوہر ملوث نکلا، 2ملزم گرفتار

گگو منڈی(نامہ نگار) خاتون کے قتل کا معمہ حل، شوہر ملوث نکلا، 2ملزم گرفتار تفصیلات کے مطابق چار روز قبل نواحی گائوں 199۔ای بی کے قریب رات کے وقت نا معلوم ملزم نے خاوند کے ہمراہ موٹر سائیکل پر سوار جاتی ہوئی خاتون عظمت بی بی کو سر میں گولی مار کر قتل کر دیا تھا پولیس کے مطابق وقوعہ کی اطلاع ملنے پر مقامی پولیس نے موقع پر پہنچ کر شواہد کو اکٹھا کیا تو لڑکی کے خاوند سرفراز کا کردار مشکوک نظر آیا جس پر پولیس نے نظر رکھی اور اسے گرفتار کر کے تحقیقات کی تو سرفراز نے اقرار کیا کہ مقتولہ عظمت بی بی سے پسند کی شادی کرنے سے پہلے اس کے ایک اور لڑکی (ع) سے تعلقات تھے جو اب اسے شادی کے لیے مجبور کرتی تھی لیکن عظمت بی بی کے ہوتے ہوئے شادی نا ممکن تھی اس لیے اس نے اپنے دوست قربان جوئیہ سے ملکر عظمت بی بی کو راستہ سے ہٹانے کی پلاننگ کی اور پلان کے تحت ہم میاں بیوی موٹر سائیکل پر سوار جا رہے تھے کہ قربان جوئیہ نے پیچھے سے آ کر عظمت بی بی کے سر میں گولی مار کر اسے قتل کر دیا ایس ایچ او تھانہ گگو منڈی مہر ریاض سیال نے بتایا ہے کہ ملزمان نے اقبال جرم کر لیا ہے اور آلہ قتل بھی برآ مد کروا دیا ہے مزید تفتیش جاری ہے ۔