لاہور(نامہ نگار )چیئرمین پاکستان پیپلز پارٹی بلاول بھٹو زرداری کے انتخابی حلقے این اے127میں انتخابی تیاریوں کے حوالے سے گرین ٹاؤن میں اجلاس ہوا جس سے خطاب کرتے ہوئے پیپلز پارٹی کے رہنماؤں قاسم گیلانی،میاں مصباح،ذوالفقار علی بدر اور فیصل میر نے کہا کہ جس طرح بھٹو اور بی بی شہید کو لاہور سے کامیاب کرا کے وزیراعظم بنوایا تھا، اسی طرح بلاول بھٹو کو کامیاب کرائیں گے،انہوں نے کہا کہ پیپلز پارٹی کا بیانیہ عام آدمی تک پہنچانا ہے۔پارٹی کارکن اپنی برادریوں اور رشتہ داروں میں انتخابی مہم چلائیں۔اس موقع پر رانا جواد،عدنان گورسی،خرم فاروق،شاہد عباس ایڈوکیٹ،بھی موجود تھے۔پیپلز پارٹی کے رہنمائوں نے کہا کہ الیکشن میں خواتین کا کردار بہت اہم ہے ،گھر گھر جا کر انتخابی مہم چلائیں۔