پیرس ہلٹن کوبرازیل اورہالینڈ کے درمیان ہونے والے کوارٹرفائنل میچ کے بعد میری جوانا کا نشہ کرنے کے الزام میں گرفتارکیا گیا۔ پولیس کی جانب سے ابتدائی پوچھ گچھ کے بعد انہیں پورٹ ایلزبتھ میں سپیشل عدالت میں پیش کیا جہاں الزامات ثابت نہ ہونے پر عدالت نے پیرس ہلٹن کورہا کر دیا۔ بعد میں پیرس ہلٹن نے ایک بیان میں کہا ہے کہ یہ واقعہ یقیناً کسی غلط فہمی کا نتیجہ تھا ۔ پیرس ہلٹن گزشتہ جمعرات جنوبی افریقہ پہنچی تھیں ۔ انتیس سالہ پیرس، ہلٹن ہوٹلز کے بانی کونراڈ ہلٹن کی پڑپوتی اور ہالی ووڈ کی نامور ادکارہ ہیں ۔ وہ جون دو ہزار سات میں لاس اینجلس میں غیرذمہ دارانہ ڈرائیونگ کرنے کے الزام میں تین ہفتے جیل بھی کاٹ چکی ہیں۔