لندن (سپورٹس ڈیسک+نوائے وقت رپورٹ) تھرڈ سیڈ رومانیہ کی سیمونہ ہلیپ نے ومبلڈن اوپن ٹینس ٹورنامنٹ کے سیمی فائنل میں جگہ بنا لی۔ مقابلہ ایوگینی بوچارڈ سے ہو گا۔ بوچارڈ نے انجلیق کربر کو ہرا کر ایونٹ سے باہر کر دیا۔ بلغاریہ کے گریگور دیمتروف نے برطانوی سٹار اینڈی مرے کو شکست دے کر ایونٹ سے باہر کر دیا۔ دیمتروف نے سخت مقابلے کے بعد چھ ایک، سات چار اور چھ دو سے کامیابی حاصل کی۔ انہوں نے سیمی فائنل کیلئے بھی کوالیفائی کر لیا۔ مینز ڈبلز میں امریکی برائن برادرز بوب برائن اور مائیک برائن نے سیمی فائنل میں جگہ بنا لی۔ سربیا کے نووک ڈجکووک نے سیلک کو ہرا کر سیمی فائنل کیلئے کوالیفائی کر لیا۔  پاکستانی ٹینس سٹار اعصام الحق قریشی ومبلڈن اوپن ٹورنامنٹ مکسڈ ڈبلز کوارٹر فائنل میں پہنچ گئے۔ پاک رشین جوڑی نے پری کوارٹر فائنل میںامریکہ بوب برائن اور کویتا شیکے کو  شکست دی۔