0نواز شریف نے کشمیریوں سے محبت کی بجائے دشمنی کی ہے‘ پرویز مشرف

اوکاڑہ/ دبئی (آئی این پی) آل پاکستان مسلم لیگ کے سربراہ اور سابق صدر پرویز مشرف نے کہا کہ نواز شریف نے کشمیریوں سے محبت نہیں بلکہ دشمنی کی ہے آج یہ لوگ محب وطن بن رہے ہیں کارگل پر کیا ہوا؟اگر افواج اپنا کردار ادا نہ کرتیں تو دہشت گرد وںکا پاکستان پر قبضہ ہو جاتا۔ بہادر افواج نے اِن کو ناکوں چنے چبوائے، کرپٹ حکمرانوں نے ملک کو کھوکھلا کر دیا ہے۔ ریلوے کو صحیح سمت پر اور میڈیا میرے دور میں آزاد ہوا یہ لوگ ملک کے آئین سے بالاتر ہو رہے ہیں، عوام کی خون پسینے کی کمائی کو چوس اپنے بینکوں میں جمع کر کے عوام سے جھوٹ بول رہے ہیں۔ ان خیالات کا اِظہار انہوں نے اوکاڑہ میں آل پاکستان مسلم لیگ کے ضلعی اِجلاس سے ٹیلی فونک خطاب کرتے ہوئے کیا۔ اِس موقع پر مرکزی رہنماء رائے شیر علی کھرل، سید سجاد علی شاہ کاظمی، امجد پاشا کے علاوہ کارکنوں کی کثیر تعداد موجود تھی۔ اِنہوں نے کہا کہ ہماری پارٹی پورے ملک ہر سطح سے الیکش لڑے گی اور اِن ملک دشمن عناصر کے خلاف اپنا کردار ادا کر یگی۔