کراچی(نیوز رپورٹر)الخدمت فریدہ یعقوب اسپتال گلشن حدید کے تحت امیر بخش مری گوٹھ کے مکینوں کیلئے مفت طبی آئی کیمپ لگایاگیا۔ کیمپ میںماہر امراض چشم اوران کی ٹیم نے درجنوں افراد کی آنکھوں کا معائنہ کیا اور انہیں تجویز کردہ ا دویہ مفت فراہم کیں۔کیمپ میں علاقہ مکینوں نے بھرپور دلچسپی لی اوراپنی آنکھوں کا معائنہ کرایا ۔متعدد مریضوں میں آنکھوں کے مرض کی تشخیص کی گئی ۔ڈاکٹرز نے کیمپ میں آنے والے افراد کو آنکھوں کے امراض سے متعلق متعلق آگہی فراہم کی ،امیر بخش مری گوٹھ کے مکینوں نے الخدمت کی جانب سے کیمپ کے انعقاد کو سراہا ۔