اسلام آباد ( آن لائن )وزارت مذہبی امور نے حج 2019کے نئے کوٹہ میں سے 40 فیصد پرائیویٹ سکیم کا کوٹہ واپس لینے کا فیصلہ کرلیا ہے اور اس حوالے سے سمری وفاقی کابینہ کا ارسال کردی گئی ہے۔ ،وفاقی کابینہ نے پہلے 16 ہزار اضافی کوٹہ کا 40 فیصد پرائیویٹ سکیم کو دینے کا فیصلہ کیا تھا۔ حج آپریشن کے آغاز اور حج میں دن کم ہونے کے باعث کوٹہ واپس لینے کا فیصلہ کیا گیا ہے۔ پرائیوٹ کوٹہ سرکاری کوٹہ میں ضم کرکے 6 ہزار 316 درخواستوں کی دوبارہ قرعہ اندازی کرائی جائے گی۔وفاقی کابینہ سے منظوری کے بعد وزارت مذہبی امور تیسری حج قرعہ اندازی کا اعلان کرے گی۔ سرکاری حج سکیم کے مزید 6 ہزار 316 ناکام درخواست گزاروں کو ایک اور موقع ملے گا۔