چوری اورڈکیتی کی وارداتیں ،شہری لاکھوں روپے مالیت کے مال و زر سے محروم

فیروزوالہ( نامہ نگار )ڈکیتی اور چوری کی متعدد وارداتوں میں ڈاکوئوں نے شہریوں کو لاکھوں روپے مالیت کے زیورات ، نقدی اور دیگر سامان سے محروم کر دیا۔ بتایا گیا ہے کہ تھانہ صدر کی آبادی رحمت کالونی میں ڈاکوئوں نے محمد اقبال کے اہل خانہ کویرغمال بنا کر 25لاکھ روپے کے زیورات اور ڈیڑھ لاکھ نقدی دیگر سامان لوٹ لیا۔ ڈاکوئوں نے مرید کے میں شوکت علی کے گھر داخل ہو کر 16لاکھ کے زیورات اورہزاروں روپے کی نقدی دیگر سامان لوٹ لیا۔ رچنا ٹائون میں ڈاکوئوں نے موٹر سائیکل سوار ولید منیر اور اُس کے دوست کو روک کر لوٹ لیا ان سے نقدی موٹر سائیکل اور موبائل چھین کر لے گئے ۔ چوروں نے ندیم انجم کے گھر داخل ہو کر لاکھوں روپے کے زیورات اور نقدی اور دیگر سامان چوری کر لیں۔