راولپنڈی (اپنے سٹاف رپورٹر سے) النور کالونی سیکٹر2 میں واقع گھر میں گیس لیکج کے دوران بجلی کا سوئچ آن کرنے پر ہولناک دھماکہ ہوگیا جس سے تین افراد جھلس کی ایک کی حالت تشویشناک تھی ریسکیو1122 کی ٹیمیں اور فائر بریگیڈ جائے وقوعہ پہنچ گئیں 25 سالہ رضا حماد 25 فیصد ، 35 سالہ بشارت 30 فیصد اور 37 سالہ صابر نقوی 80 فیصد جھلس گئے جنہیں فوری طبی امداد کیلئے ہولی فیملی ہسپتال کے برن سینٹر منتقل کردیا گیا ریسکیو1122 نے بتایا کہ گھر میں پے انگ گیسٹ آیا گیس لیکج ہو رہی تھی جونہی لائٹ جلانے کیلئے سوئچ آن کیا تو ہولناک دھماکے سے آگ بھڑک اٹھی جس سے تینوں افراد جھلس گئے 15 لاکھ روپے کا گھریلو سامان بھی جل گیا۔