کراچی (اسپورٹس رپورٹر) ٹوکیومیں اولمپکس گیمز کیلئے پاکستان نے دستے کا اعلان کردیا ہے۔ تفصیلات کے مطابق ٹوکیو اولمپکس میں پاکستان  دستہ 3خواتین سمیت 10کھلاڑی کیساتھ شریک ہوگا۔ اس کے علاوہ ماہور شہزاد بیڈ منٹن، شاہ حسین شاہ جوڈو 100 کے جی میں شریک ہونگے۔ذرائع نے بتایا ہے کہ ارشد ندیم  جیو لین تھرو، نجمہ پروین 200میٹر دوڑ ، غلام مصطفی25 میٹر ریپڈ  میں شرکت کرینگے اور محمد خلیل اختر 25 میٹر ریپڈ، گلفام جوزف10 میٹر ریپڈ، بسمہ خان سوئمنگ میں  نمائندگی کرینگی جبکہ محمد حسیب طارق 100میٹر فری اسٹائل اور محمد طلحہ طالب 67 کے جی  بھی شامل ہیں۔واضح رہے کہ نجمہ پروین مسلسل دوسری مرتبہ اولمپکس میں پاکستان کی نمائندگی کریں گی۔