راولپنڈی(جنرل رپورٹر)کمشنر راولپنڈی ڈویژن نورالامین مینگل نے لیاقت باغ کا دورہ کیا، ڈی جی پی ایچ اے ذینیہ ہمایوں، چیف آفیسرایم سی راولپنڈی بھی اس موقع پر موجود تھے،کمشنر راولپنڈی نے تاریخی باغ پارکس اینڈ ہارٹیکلچر کو لیاقت باغ کے سٹیج/چبوترے کو بہترکرنے کیلئے چکوال سٹون کا کام کروانے، چاردیواری کے رنگ وروغن کے علاوہ پارک سے ملحقہ مسجدکوپارک سے متصل کرنے کے احکامات دئیے،لیاقت روڈ پر نامناسب جگہوں پر لگے پیڑ،پودوں کی مناسب منتقلی اور محترمہ بینظیر بھٹو کی جائے شہادت کے بورڈ کو مزید واضح کرنے کی ہدایت کی۔