لاہور(سپورٹس ڈیسک )ٹیسٹ کرکٹ میں نیا ریکارڈ بن گیا، انگلینڈ کے فاسٹ بائولر سٹورٹ براڈ نے ٹیسٹ کرکٹ کا مہنگا ترین اوور کروادیا۔برمنگھم میں جاری بھارت کیخلاف ٹیسٹ میچ میں سٹورٹ براڈ نے ایک اوور میں 35 رنز دیئے۔سٹورٹ براڈ نے 6 رنز ایکسٹرا کے دیئے جبکہ 29 رنز جسپریت بمرا نے بٹورے۔ جسپریت بمرا نے 2 چھکے، 4 چوکے لگائے اور ایک سنگل لیا، ایک چھکا نو بال پر سکور ہوا، جبکہ براڈ نے پانچ وائیڈ بالز کے رنز بھی دیئے۔جسپریت بمرا نے بطور بیٹر ایک اوور میں سب سے زیادہ رنز کا ریکارڈ بھی بنادیا۔اس سے قبل برائن لارا، جارج بیلی اور کاشیو مہاراج نے ایک اوور میں 28,28 رنز بنائے تھے۔سٹورٹ براڈ بین الاقوامی ٹی ٹونٹی میں بھی مہنگاترین اوور کرواچکے ہیں۔ ورلڈ ٹی ٹونٹی 2007 میں بھارت کیخلاف میچ میں یوراج سنگھ نے انہیں ایک ہی اوور میں 6 چھکے لگا کر 36 رنز بٹورے تھے۔مارچ 2021 میں کھیلے گئے ٹی ٹونٹی میچ میں ویسٹ انڈیز کے کیرون پولارڈ نے سری لنکا کے اکِیلا دھننجیا کیخلاف 6 گیندوں پر 6 چھکے لگائے تھے اور یہ مشترکہ طور پر ٹی ٹونٹی انٹرنیشنل میں سب سے زیادہ رنز والا اوور بنا۔