لاہور(سپورٹس رپورٹر)پاکستانی اوپنر شان مسعود نے ڈربی شائر کی کپتانی کرتے ہوئے بھارت کے خلاف وارم اپ ٹی ٹونٹی میچ کھیلا اور 8 رنز سکور کیے۔شان مسعود کی کپتانی میں کھیلنے والی ڈربی شائر کی ٹیم میچ میں کچھ خاص نہ کرسکی اور اسے بھارت کے ہاتھوں 7 وکٹوں سے شکست ہوئی۔میچ میں بھارت نے 151 رنز کا مطلوبہ ہدف سترہویں اوور میں پورا کرلیا۔ ایک کائونٹی میچ میں محمد عامر نے گلوسٹر شائر کی نمائندگی کرتے ہوئے ایک وکٹ حاصل کی۔محمد عامر ہیمپشائر کیخلاف صرف 3 گیندیں ہی کروا پائے اور سائڈ سٹرین انجری کے باعث گراؤنڈ سے باہر چلے گئے۔قومی ٹیم کے آل رائونڈر شاداب خان نے یارک شائر کی نمائندگی کرتے ہوئے 38 رنز کے عوض 2 وکٹیں حاصل کیں۔شاداب خان نے برمنگھم بیئرز کیخلاف 8 گیندوں پر 15 رنز سکور کیے۔