لاہور(نامہ نگار)سی آئی اے سٹی کے اغواء برائے تاوان سیل نے برقعہ پوش ڈکیت گینگ گرفتارکر لیا ہے ۔گرفتار ملزمان میں گروہ کا سرغنہ اسداور اس کے دو ساتھی سجاد احمد اور فیصل شامل ہیں۔ملزمان سے 22لاکھ روپے نقدی، 9تولے زیور،موبائل فونز اور ناجائز اسلحہ برآمدکیا گیا ہے ۔ملزمان برقعہ پہن کر شہریوں کو روکتے، پھر گن دکھا کر واردات کا نشانہ بناتے تھے۔ملزمان لاہور کے متعدد تھانوں میں ڈکیتی اور نقب زنی کے مقدمات میں پولیس کو مطلوب تھے۔