فیروزوالہ (نامہ نگار) ریجنل پولیس آفیسر شیخوپورہ ریجن ڈاکٹر انعام وحید نے ڈی پی او آفس شیخوپورہ میں ڈی پی او شیخوپورہ فیصل مختار کے ہمراہ، ایس پی انوسٹی گیشن فاروق امجد، ایس ڈی پی اوز سرکل ہائے و ایس ایچ او تھانہ سے کرائم میٹنگ کی۔ریجنل پولیس آفیسر شیخوپورہ ریجن ڈاکٹر انعام وحید نے ضلع ہذا میں کرائم کی صورتحال پر متعلقہ افسران سے ون بائی ون کرائم کی صورتحال پر پوچھ گچھ کی۔دوران میٹنگ سنگین نوعیت کے مقدمات زیر بحث لائے گئے۔ سرکل افسران اور ایس ایچ اوز نے مقدمات کے متعلق بریف کیا۔آرپی او شیخوپورہ نے تفتیشی افسران کو مناسب احکامات جاری کئے۔ مزید برآں ضلعی افسران کو ہدایت کی کہ ضمنی انتخابات کے دوران اسلحہ کی نمائش، ہوائی فائرنگ، ہلڑ بازی اور انتشار پھیلانے والے عناصر کے خلاف بلا تفریق کاوائی عمل میں لائی جائے اور امن و امان کی صورتحال کو ہر ممکن برقرار رکھا جائے۔ مویشی منڈیوں میں اکثر دور دراز کے علاقوں سے آئے ہوئے بیوپاری نوسربازوں کے ہتھے چڑھ جاتے ہیں۔ان کے جان و مال کا تحفظ ہماری اولین ذمہ داری ہے۔