حج کی سعادت حاصل کر نے کے بعد قومی کرکٹرز کی واپسی شروع 

لاہور(سپورٹس رپورٹر) حج کی سعادت حاصل کر نے کے بعد قومی ٹیم کرکٹرز کی واپسی شروع ہوگئی ،پاکستان کرکٹ ٹیم کے آل راو¿نڈر افتخار احمد نے حج کی ادائیگی کے بعد وطن واپسی سے پہلے کی تصویر شیئر کردی۔ رواں سال قومی کرکٹ ٹیم کے کپتان بابر اعظم نے محمد رضوان اور دیگر کرکٹرز کے ہمراہ حج کی سعادت حاصل کر لی۔اس موقع پر ان کے ہمراہ آل راو¿نڈر افتخار احمد بھی موجود تھے، جنہوں نے مختلف تصاویر اپنے سوشل میڈیا پر اپ لوڈ کی ہیں۔گزشتہ دنوں افتخار احمد نے ٹیم کے کھلاڑیوں کے ہمراہ غار حرا کی زیارت کرنے کے بعد اپنی تصویر شیئر کی تھی، تاہم فریضہ حج کی ادائیگی مکمل کرنے کے بعد ٹیم کے کھلاڑی اپنے اپنے گھروں کی جانب روانہ ہو رہے ہیں۔قومی ٹیم کے آل راو¿نڈر افتخار احمد نے بس میں بیٹھے دیگر ساتھیوں کے ہمراہ اپنی تازہ تصویر شیئر کی ہے، جس میں بابر اعظم، محمد رضوان و دیگر بھی نظر آرہے ہیں۔افتخار احمد نے تصویر کے کیپشن میں لکھا کہ گھر واپس جانے کا وقت آگیا ہے، شکر الحمد اللہ۔مداحوں کی جانب سے ٹیم کے کھلاڑیوں کو حج کی ادائیگی مکمل کرنے پر مبارک باد دینے کا سلسلہ بھی شروع ہوگیا ۔