صفائی کے حوالے سے کارکردگی کو سراہتے ہیں: صغیر بٹ،رانا حنیف

گوجرانوالہ(نمائندہ خصوصی)پیپلز پارٹی کے سٹی سیکرٹری اطلاعات محمد صغیر بٹ ،نائب صدر رانا حنیف ، ملک بھٹو ، مرزا سعید بیگ اسامہ مہر ودیگر نے اپنے بیان میں کہا ہے عیدالاضحی کے تینوں دن صفائی کے بہتر ین انتظامات کرنے پر ضلعی انتظامیہ ، گوجرانوالہ ویسٹ مینجمنٹ کمپنی کے تمام ورکرز اور ذمہ داران کی کارکردگی کو کو سراہتے ہیں۔ ویسٹ مینجمنٹ کمپنی کے عملہ کی جانب سے بروقت آلائشوں کو گلی محلوں اور شاہراو¿ں سے اٹھا کر ڈمپنگ پوائنٹس پر منتقل کیا گیا، شہر میں صفائی کے بہترین انتظامات کرکے شہریوں کو جو سہولت فراہم کی گئی اس پر ضلعی انتظامیہ ایم ڈی ویسٹ مینجمنٹ کمپنی شاہد عباس جوتہ اور انکی پوری ٹیم کے بے حد مشکور ہیں،انہوں نے کہا کہ انتظامیہ چاہے تو عوام کی مشکلات فوری طور پر حل ہوسکتی ہیں،اسی طرح اگر ناجائز منافع خوروں کےخلاف ضلعی انتظامیہ سنجیدگی سے کارروائیاں کرے تو مہنگائی پر قابو پا کر عوام کو کچھ سہولیات دی جاسکتی ہیں امید ہے ڈی سی گوجرانوالہ جلد اس جذبے اور لگن سے مہنگائی مافیاکےخلاف آپریشن کر کے جلد قابو پائیں گے۔