گوجرانوالہ:عمران نسیم بٹ،عثمان نسیم احساس گروپ میں شامل

گوجرانوالہ(نمائندہ خصوصی)سابق ایگزیکٹو ممبر عمران نسیم بٹ ،عثمان نسیم بٹ اور فرحان نسیم بٹ ایم 7گروپ کو چھوڑ کر احساس گروپ میں شامل ، احساس گروپ کی قیاد ت پر مکمل اعتماد کا اظہار ،میاں عمر سلیم ،رانا صدیق ،وقاص افضل ،نیئر جمیل بھٹی ، چوہدری بلال مہر اور دیگر ساتھیوں کے شانہ بشانہ چلتے ہوئے آئندہ چیمبر الیکشن میں احسا س گروپ کابھرپور ساتھ دیں گے، چیمبر آف کامرس کے احساس گروپ نے برسر اقتدار ایم7 گروپ کی تین اہم وکٹیں گرا دیں،سابق ایگزیکٹیو ممبر عمران نسیم بٹ ،عثمان نسیم بٹ اور فرحان نسیم بٹ نے ایم -7گروپ کو خیرباد کہہ کر میاں عمر سلیم کی قیادت میں احساس گروپ کے ساتھ چلنے کا اعلان کر دیا ہے اس حوالے سے اپنے ایک بیان میں انہوں نے کہا کہ احساس گروپ مخلص اور سنجیدہ کاروباری شخصیات کا مجموعہ ہے جو اہم اور حقیقی ایشوز پر اپناکردار ادا کرتے ہوئے بزنس کمیونٹی کی دل سے خدمت کر رہا ہے اور کاروباری برادری کے لئے آسانیاںپیدا کرنے کا ایجنڈا آگے بڑھا رہا ہے، میاںعمر سلیم اور دیگر راہنما جذبہءخدمت سے سرشار ہیں۔