کمبوڈیا : زیر تعمیر نائٹ کلب میں آتشزدگی ،2 خواتین سمیت 6 افراد ہلاک

نوم پنہ (اے پی پی)کمبوڈیا کے دارالحکومت میں زیر  تعمیر  نائٹ کلب میں  آتشزدگی سے 6 افراد ہلاک ہو گئے ہیں ۔ چینی خبررساں ادارے کے مطابق   نوم پنہ میونسپل پولیس کے ترجمان سان سوک سیہا  نے  میڈیا کو بتایا کہ  ضلع  ٹول کورک  کے ایک زیر تعمیر نائٹ کلب میں آگ لگنے س کے نتیجے میں 2خواتین سمیت 6 افراد ہلاک ہو گئے ہیں۔انہوں نے بتایا کہ  ہلاک ہونے والوں کو قریبی ہسپتال میں منتقل کردیا گیا ہے ۔ مقامی سکیورٹی ادارے آتشزدگی کی وجوہات کے بارے میں تحقیقات کر رہے ہیں۔