حادثات : جڑانوالہ 5‘دیر بالا میں3افراد جاں بحق‘ 7 زخمی 

 جڑانوالہ ‘دیربالا ( نمائندہ نوائے وقت‘نوائے وقت رپورٹ) مختلف حادثات میں 8افراد جاں بحق اور 7زخمی ہوگئے ۔جڑانوالہ عارف والا کے قریب کار حادثہ میں 5 افراد جاں بحق ہوگئے ۔جن کا تعلق جڑانوالہ کے نواحی گائوں سے تھا ‘ جاں بحق ہونے والوں کا تعلق تھانہ صدر کے نواحی علاقہ108 سائیں دی کھوئی سے تھا ۔ جاں بحق ہونے والوں میں دوسگے بھائی اور تین دوست تھے‘ مرنے والوں کی شناخت احسن، محسن، عبداللہ، شہرام علی اورمحمدعلی کے ناموں سے ہوئی۔ مسافر جیپ گہری کھائی میں گرنے سے 3 افراد جاں بحق جبکہ 7 افراد شدید زخمی ہوگئے۔ افسوسناک واقعہ پاتراک کے علاقے ڈوگل میں پیش آیا جہاں مسافر جیپ تیز رفتاری کے باعث بے قابو ہوکر گہری کھائی میں جاگری۔ حادثے میں 2 بچیوں سمیت 3 افراد  موقع پر دم توڑ گئے جبکہ 3 بچوں سمیت 7 افراد زخمی ہوگئے۔ جیپ پاتراک سے بنان خیل خوڑ جارہی تھی۔ جاں بحق افراد کی  نعشوں اور زخمیوں کو پاتراک کے مقامی ہسپتال میں منتقل کردیا گیا جبکہ 2 شدید زخمی بچوں کو پشاور منتقل کردیا گیا۔