سانگلہ ہل: اڈے کے ٹھیکے کا تنازعہ ملزموں کی فائرنگ سے ایک شخص قتل 

سانگلہ ہل(نمائندہ نوائے وقت)منڈی مڑھ بلوچاں میں عنایت،آصف،قیصر، الطاف، مصور الطاف، علی، جبران، خرم عرف ببلو، تنویر اور بشیر وغیرہ 12 افراد نے اڈے کے تنازعہ پر پرویز کو قتل اور گل فراز کو شدید زخمی کردیا، تھانہ صدر پولیس نے مقدمہ درج کرلیا، بتایا گیا ہے کہ شمشیر اور پرویز نے مڑھ بلوچاں اڈا کا ٹھیکہ لیا تھا جو عنایت و غیرہ لینا چاہتے تھے، گذشتہ روز شمشیر، گل فراز او پرویز اڈا مڑھ بلوچاں میں موجود تھے  ملزم عنایت، آصف، قیصر،الطاف، مصور الطاف، علی، جبران الطاف، خرم عرف بلو، تنویر، بشیر دو نا معلوم آگئے، اور فائرنگ شروع کر دی،جس کے نتیجہ میں پرویز موقع پر جاں بحق ہو گیا اور گل فراز زخمی ہو گیا، ملزم ہوائی فائر نگ کرتے فرار ہو گئے۔