نوشہرہ میں گیس لیکج کے دوران گھر میں دھماکا ہو گیا جس کے نتیجے میں 4 افراد جھلس کر بری طرح زخمی ہو گئے۔ تفصیلات کے مطابق نوشہرہ کے علاقے تاروجبہ کے شہری نے گھر میں انڈر گرائونڈ گیس کنکشن لے رکھا تھا،  اچانک گیس لیکج ہونے کی وجہ سے دھماکہ  ہو گیا جس کے بعد آگ بھڑک اٹھی، جھلسنے کی وجہ سے 4 افراد زخمی ہو گئے ۔ واقعہ کی اطلاع ملنے پر ریسکیو ٹیم موقع پر پہنچ گئی، زخمیوں کو پشاور کے لیڈی ریڈنگ ہسپتال منتقل کر دیا گیا۔  پولیس نے جائے وقوعہ کا جائزہ لینے کے بعد بتایا کہ شہری نے چوری کا گیس کنکشن لے رکھا تھا، سوئی گیس حکام نے کہا کہ دھماکا گیس پائپ لائن میں انڈر گرائونڈ لیکج سے ہوا۔