پولیس کے مطابق آج صبح ڈیفنس کے علاقے میں کالاپل کے قریب نجی ہسپتال کے باہر نامعلوم موٹرسائیکل سواروں نے فائرنگ کرکے ڈاکٹر حسن کو ہلاک کردیا جن کی نعش کارروائی کے لئے جناح ہسپتال منتقل کردی گئی ہے۔ اس کے علاوہ رات گئے نیوکراچی اپواء سکول کے قریب موٹرسائیکل سواروں نے چالیس سالہ ڈاکٹر جنید شاکر پر اس وقت اندھا دھند فائرنگ کردی جب وہ اپنا کلینک بند کرکے گھرجا رہےتھے ۔ پولیس کے مطابق دونوں ڈاکٹر ٹارگٹ کلنگ کا نشانہ بنے ہیں۔