اس سلسلے میں ایک تقریب کا اہتمام  ہالی وڈ بلیوارڈ کے قریب موسواینڈ فرینک گریل کے سامنے کیا گیا۔ تقریب میں ہالی ووڈ کے نامور فنکاروں نے شرکت کی اور انہوں نے رینڈی نیو مین کو زبردست الفاظ میں خراج تحسین پیش کیا۔ تقریب کے دوران موجود رینڈی کے مداح ان کے حق میں نعرے لگاتے  رہے۔ اپنے کیریئر میں ایک آسکر، دو ایمی اور پانچ گریمی ایوارڈ جیتنے والے رینڈی نے اب تک تیس کے قریب فلموں میں کسی نہ کسی حیثیت میں کام کیا ہے، ان کا کیریئر انیس سو ستر میں شروع ہوا۔ رینڈی نے جہاں متعدد ایوارڈ جیتے وہیں انہیں درجنوں ایوراڈز کے لئے نامزد بھی کیا گیا۔ رینڈی نے بے شمار معروف گیت لکھے اور ان کی موسیقی ترتیب دی، آئی لو لاس اینجلس لکھنے کی وجہ سے رینڈی نیومین لاس اینجلس میں بے حد مقبول ہیں۔