پیرس (اے ایف پی) فرنچ اوپن ٹینس ٹورنامنٹ کے کوارٹر فائنل مقابلوں میں امریہ کی سرینا ولیمز اپ سیٹ شکست کے بعد ٹورنامنٹ سے باہر ہوگئیں جبکہ سربیا کی جیلینا جانکووچ، سپین کے رافیل نڈال اور سربیا کے نووک ڈجکووچ سیمی فائنل میں پہنچ گئے۔ گذشتہ روز کے مقابلوں میں امریکہ کی سرینا ولیمز کو آسٹریلیا کی سمانتھا سٹوسر نے 8-6، 7-6، 2-2 سے شکست دی۔ سربیا کی جیلینا جانکووچ نے قازقستان کی پاروسلوا کو 6-4، 7-5 سے ہرا کر سیمی فائنل میں جگہ بنائی۔ فرنچ اوپن ٹینس کے مردوں کے کوارٹر فائنل مقابلوں میں رافیل نڈال نے ہم وطن الماگرو کے خلاف (7-3)، 7-6، (7/2) 7-6، 6-4 جبکہ سربیا کے نووک ڈجکووچ نے آسٹریا کے جورگن کو 7/3، 7-6، 6-2، 2-6، 3-6 اور 6-4 سے شکست دےکر سیمی فائنل میں جگہ بنائی۔