لاہور (سپورٹس رپورٹر ) سیالکوٹ میں جاری قومی باکسنگ چیمئن شپ میںلائٹ فلائی ویٹ میں پی اے ایف کے عبید علی نے خبیر پختونخواہ کے زین العابدین کو،فاٹاکے رحمت نے اسلام آباد کے محمد تنویر کو ،سندھ کے جہانزیب نے شیر علی کواور آرمی کے محمد نعمان نے پنجاب کے فیصل قیوم کو شکست دی ،فلائی ویٹ میں آرمی کے سجاد حسین نے ہائیر ایجوکیشن کمشن کے ہالر قمبرانی کو،نیوی کے محمد ناصر نے خیبر پختونخواہ کے مشتاق قمر کو،سندھ کے حامد حسین نے پنجاب کے عثمان علی کو،پاکستان ریلوے کے سید محمد آصف نے بلوچستان کے ناصر حسین کو شکست دی ۔ ،لائٹ ویٹ میں فاٹا کے انورخان نے اسلام آباد کے محمد فرید کو،آرمی کے سجاد علی نے سندھ کے عمار خان کو اور پی اے ایف کے فرید احمد نے بلوچستان کے محمد علی کو شکست سے دو چار کیا ،لائٹ ویلٹر ویٹ میں پی اے ایف کے عدنان حسن نے سندھ کے سرفراز کو ،آرمی کے گل زیب نے پنجاب کے اشفاق خان کو شکست دی ۔بنٹم ویٹ میں سندھ کے محمد عالم بلوچ نے بلوچستان کے عبد المالک کو ،پی اے ایف کے نعمت اللہ نے نیوی کے عامر خان کو ،پاکستان ریلوے کے محمد رضانے ایچ ای سی کے اسد اللہ کو جبکہ آرمی کے فرحان محمود نے پنجاب کے سعد اللہ خان کو شکست دی ۔