ہیڈنگلے (سپورٹس ڈیسک )نیوزی لینڈ نے انگلینڈ کو 199 رنز سے شکست دے کر دو میچوں کی سیریز ایک - ایک سے برابر کردی۔انگلینڈ کیخلاف کھیلے گئے 101 ٹیسٹ میچوں میں یہ مہمان ٹیم کی نویں کامیابی تھی۔ نیوزی لینڈ نے تاریخ میں انگلینڈ کی سر زمین پر صرف پانچویں مرتبہ کوئی ٹیسٹ میچ جیتا۔ ٹیسٹ کے پانچویں دن انگلینڈ کو کامیابی کیلئے455 رنزکاہدف ملا تھا، پوری ٹیم 255 پر پویلین لوٹ گئی۔کیوی آف سپنرز کین ولیم سن اور مارک کریگ نے تین تین وکٹیں حاصل کیں۔ ولیم سن نے  15 رنز کے عوض تین انگلش بلے بازوں کو چلتا کیا۔آخری دن بغیرکسی وکٹ نقصان پر چوالیس رنز سے کھیل کا آغاز کرنے والے میزبان بلے باز زیادہ مزاحمت نہ کرسکے۔ جوز بٹلر تہتر اور کپتان ایلسٹر کْک چھپن رنز بنا کرنمایاں رہے۔نیوزی لینڈ کے واٹلنگ کو میچ جبکہ کیوی ٹرینٹ بولٹ اور انگلینڈ کے ایلسٹر کک کو سیریز کا بہترین کھلاڑی قرار دیا گیا۔