پنڈی بھٹیاں، قصور، کمیر(نامہ نگاران) مختلف واقعات میں شادی خاتون، پیر اور نوجوان نے گھریلو جھگڑوں اور دیگر وجوہات پر زندگی ختم کرلی۔ پنڈی بھٹیاں کے نواحی گاﺅں مقصدہ بھٹیاں کی راج بی بی کی تین ماہ قبل شادی ہوئی تھی اور اسکا اکثر اپنے خاوند سے جھگڑا رہتا تھا جس پر اس نے گزشتہ روز دلبرداشتہ ہو کر زہریلی گولیاں نگل کر خودکشی کرلی۔ قصور سے نمائندگان کے مطابق بھٹہ چوک ذوالفقار ٹاﺅن کے نوجوان آصف نے گھریلو ناچاقی پر بی آر بی نہر میں کود کر زندگی ختم کرلی۔ مزید برآں کمیر میں 32 سالہ پیر عمران نے رات کے وقت زہریلی گولیاں کھا لی جس سے اُس کی موت واقع ہوگئی۔متوفی دم درود کا کام کرتا تھا۔
خودکشی