پیپلز پارٹی کی متوقع امیدوار سمیرا گل کا شیخ رشید کو مناظرے کا چیلنج

راولپنڈی ( آن لائن)پیپلز پارٹی شعبہ خواتین ضلع راولپنڈی کی صدراور این اے62سے متوقع امیدوارسمیرا گل نے اپنے مد مقابل امیدوار و عوامی مسلم لیگ کے سربراہ شیخ رشید احمد کو مناظرے کا چیلنج کرتے ہوئے کہا ہے کہ وقت اور جگہ کا تعین شیخ رشید خود کریں وہ گزشتہ انتخابات سمیت شیخ رشید کی انتخابی سیاست ست متعلق حقائق عوام کے سامنے رکھیں گی آن لائن کو انٹرویو دیتے ہوئے انہوں نے کہا کہ شیخ رشید ایک خود غرض اور مفاد پرست انسان کا نام ہے جو الیکشن جیتنے کے بعد کہتا ہے کہ اسے کسی نے ووٹ نہیں دیا، ثبوت دوں گی کہ شیخ رشید کیسے بیلٹ بکس غائب کراتے رہے اور کہاں سے فوت شدہ خواتین کے ووٹ کاسٹ ہوئے انہوں نے کہا کہ شیخ رشید اپنے سامنے ہر دوسرے انسان کو ناسمجھ سمجھتے ہیں انہوںنے کہا کہ ماضی میں شیخ رشید آصف زرداری کو بھی دھوکہ دینے کی کوشش کر چکا ہے شیخ رشید نے ذوالفقار علی بھٹو، ضیا الحق، نواز شریف اور آصف علی زرداری یہاں تک کہ اپنے حلقے کے عوام سے کبھی وفا نہیں کی۔