لاہور (شوبز ڈیسک )پاکستان فلم انڈسٹری کے معروف اداکار رفیع خاورالمعروف’’ ننھا ‘‘کی33 ویں برسی منائی گئی۔اپنے منفرد انداز سیپاکستان فلم انڈسٹری پر راج کرنے والے اداکارننھا نے اپنے فلمی کیرئیرکا ّآغاز 1966 میں فلم ’’وطن کا سپاہی‘‘ سے کیا۔انہیں اصل شہرت 1975میں فلم ’’نوکر‘‘ سے ملی۔ فلم ’سالا صاحب‘ نے لاہور میں مسلسل 300 ہفتے تک زیر نمائش رہ کر ایک نیا ریکارڈ قائم کیا، ان کی جوڑی کو اداکار علی اعجاز کے ساتھ بھی بہت پسند کیا گیا۔انہوں نے جون 1986 کو چند ناگزیر وجوہات کی بناپرخود کشی کرلی تھی۔