سعیداللہ آفریدی ‘رانا محمد وارث کو مسلم لیگی رہنماؤں کی مبارک باد

کراچی (نیوزرپورٹر)پاکستان مسلم لیگ (ن) کراچی ڈویژن کی تنظیم نو کے سلسلے میں ضلع غربی کے لئے سعیداللہ آفریدی کو صدر اور یونین کونسل ون کے چیئرمین رانا محمد وارث کو جنرل سیکریٹری مقرر کردیا گیا۔ مسلم لیگی رہنماؤں یونین کونسل ون کے وائس چیئرمین ایاز آفریدی‘ یونین کونسل ٹو کے چیئرمین حبیب الرحمان‘ وحید رضا‘ عبدالوحید جان‘ شاہنوازخان اور مسلم لیگ کی مرکزی کونسل کے رکن عبدالحمید بٹ نے نے سعید اللہ آفریدی اور رانا محمد وارث کو مبارک باد دیتے ہوئے امید کا اظہار کیا ہے کہ وہ ضلع غربی میںمسلم لیگ کو فعال وتنظیم نو اور قائد نواز شریف کا پیغام عام کرنے میں اپنی بہترین صلاھیتیں وقف کردیں گے۔ مسلم لیگی رہنماؤں نے سعیداللہ آفریدی اور رانا محمد وارث کو مکمل تعاون کی یقین دہانی بھی کرائی ہے۔