ڈاکوں کے خلاف گرینڈ آپریشن،2مغوی پولیس اہلکار ربازیاب

شمور (نا مہ نگار)چھ روز قبل سرکل بنگلہ اچھا جیون موڑ تھانہ سونمیانی سے اغوا کیئے گئے پولیس اہلکاروں کو  آپریشن کے ذریعے بازیاب کرا لیا گیا۔ ذرائع کے مطابق اغوا کاروں نے دونوں پولیس اہلکاروں کو اغوا کر کے نا معلوم مقام پر رکھا ہوا تھا ۔پولیس نے ڈاکوؤں کے خلاف گرینڈ آپریشن کر کے دونوں پولیس اہلکار مغویوں کو عرفان ولد منظور اور محمد ارشد کو بازیاب کروا لیا۔ اس سلسلے میں آر پی او ڈیرہ غازی خان فیصل رانا ڈی پی اور فیصل گلزار اور ڈی ایس پی سرکل روجھان فیاض الحق چوہدری اور ڈی ایس پی سرکل بنگلہ اچھا شہشناہ چانڈیہ کی کوششوں سے مغوی پولیس اہلکاروں کو  بازیاب کر لیا گیا۔ ذرائع کے مطابق ڈی پی او آفس راجن پور میں دونوں سرکلز کے ڈی ایس پیز کے ساتھ اہم میٹنگ بازیاب ہونے والے پولیس اہلکاروں کو راجن پور لایا گیا۔ بازیاب ہونے والے پولیس اہلکاروں کے خاندان کا پولیس اہلکاروں کی بازیابی پر خوشی کا اظہار کیا اور ایڈیشنل آئی جی جنوبی پنجاب، آر پی او ڈیرہ غازی خان، اور ڈی پی او راجن پور فیصل گلزار کا شکریہ ادا کیا۔