لاہور(سپورٹس ڈیسک ) نیوزی لینڈکی ٹیم انگلینڈ کے خلاف سیریز کے پہلے ٹیسٹ میچ کی پہلی اننگز میں 132پر ڈھیر ہوگئی ۔لارڈز میںکھیلے جارہے ٹیسٹ میچ میں چھ کھلاڑی ڈبل فگر میں بھی داخل نہ ہوسکے ۔ ٹام لاتھم ایک ‘ول ینگ ایک ‘کپتان کین ولیم سن دو ‘ڈیون کانوے تین ‘ڈیرل مچل تیرہ ‘ٹام بلنڈل چودہ ‘کائیل جمی سن چھ ‘ٹم سائوتھی چھبیس ‘اعجاز پٹیل سات اور ٹرینٹ بولٹ چودہ رنز بناکر آئوٹ ہوئے ۔ کولن ڈی گرینڈہوم بیالیس رنز پر ناٹ آئوٹ رہے ۔ جیمز اینڈرسن اور میتھیو پوٹس نے چار چار جبکہ سٹورٹ براڈ اور بین سٹوکس نے ایک ایک وکٹ حاصل کی ۔ جواب میں انگلینڈ کی 116رنز پر 7وکٹیں گر گئیں ۔ الیکس ہیلز پچیس ‘زاک کرالی تینتالیس‘اولی پوپ سات‘جو روٹ گیارہ ‘جونی بیئر سٹوایک ‘کپتان بین سٹوکس ایک ‘میتھیو پوٹس صفر پر آئوٹ ہوئے ۔ بین فوکس چھ اور سٹورٹ براڈ چار رنز پر کھیل رہے ہیں ۔ ٹیم سائوتھی ‘ٹرینٹ بولٹ اور کائل جمی سن نے دو دو جبکہ کولن ڈی گرینڈ ہوم نے ایک وکٹ حاصل کی ۔