ٹبہ سلطان پور ( نامہ نگار ) یوریا کھاد نہیں مل رہی ذمہ داران ناجائز منافع خوروں کے خفیہ گوداموں پر چھاپے ماریں اور کھادوں کی سپلائی ممکن بنائیں کاشتکاری پر اخراجات زیادہ ہیں۔ ان خیالات کا اظہار مثالی کاشتکار محمد بلال نے بستی کنکا میں صحافیوں سے زرعی مسائل کے سلسلہ میں گفتگو کرتے ہوئے کئے ۔ حاجی محمد بلال نے حکومت وقت سے مطالبہ کیا کہ کاشتکاروں کو درپیش مسائل ترجیحی بنیادوں پر حل کئے جائیں اور شعبہ زراعت کو انڈسٹری کا درجہ دیا جائے ۔