کار سوار چار افرادنے ڈرائیور سے اڑھائی لاکھ روپے چھین لئے

کامونکی(نمائندہ خصوصی) سلطان پورہ واہنڈو کا رہائشی مشروب ڈالہ کے ڈرائیورمحمد ریاض ولد یعقوب کو کار سوار چارافراد نے واہنڈو انٹر چینج کے قریب سرکاری ملازم ظاہر کرتے ہوئے روکا اور تلاشی کے بہانے اڑھائی لاکھ روپے چھین لئے دوسری طرف مشروب ایجنسی کے سیلز مین آصف چغتائی سے پچیس ہزار روپے چھین لئے، محلہ فیصل ٹاؤن کا حیدر علی سبزی منڈی کے نزدیک کھڑا تھا کہ دو ڈاکوئوں نے اْس سے پینتیس ہزارروپے اور موبائل فون چھین لیا۔مسلم گنج کے محمد اویس سے جی ٹی روڈ بھولا پیر کے قریب  دو ڈاکو ایک لاکھ ستر ہزارروپے نقدی اورموبائل فون چھین کر لے گئے۔تھانہ صدر کے علاقہ حبیب ٹاؤن کے کار سوار وقاص سے راجباہ روڈ پر دو ڈاکو بارہ سو روپے نقدی اور موبائل فون چھین کر فرار ہوگئے۔رضا آباد کا محمد افضل اپنی اہلیہ کے ہمراہ موٹر سائیکل پر جارہا تھا کہ جی ٹی روڈ گھنیا کے قریب دوڈاکو اْس سے سترہ ہزارروپے نقدی اور موبائل فون چھین کر لے گئے۔سلامت پورہ کے شہباز احمد سے جی ٹی روڈ چیانوالی کے نزدیک ٹائل فیکٹری کے سامنے چار ڈاکو اٹھارہ ہزارروپے چھین کر لے گئے،جبکہ مغلپورہ لاہور کا رضا حسین بیوی بچوں کے ہمراہ موضع راجہ میں شادی کی تقریب میں شرکت کیلئے آرہا تھا کہ گاؤں کے نزدیک دو مسلح ڈاکو اْس سے آٹھ ہزارروپے نقدی اور موبائل فون چھین کر فرار ہوگئے۔