لاہور(لیڈی رپورٹر)سمن آباد کالج برائے خواتین کی پرنسپل پروفیسر ڈاکٹر حلیمہ ناز آفریدی نے کہاہے کہ پاکستانی طالبات بہت باصلاحیت ہیں بہتر تعلیمی مواقع اور حوصلہ افزائی سے وہ معاشرے کو در پیش معاشی چیلنجز کا کامیابی سے مقابلہ کرسکتی ہیں۔ انہوںنے ان خیالات کااظہار گزشتہ روز فائن آرٹس ڈیپارٹمنٹ کے زیراہتمام منعقدہ فائن آرٹس کی طالبات کے سالانہ تھیسس ورک کی نمائش کے افتتاح کے بعد خطاب میں کیا۔ اس موقع پر وائس پرنسپل ڈاکٹر صائمہ شریف اور کالج کونسل کی ممبران بھی موجودتھیں۔