کراچی ( اسپورٹس رپورٹر)کروشیا کے مارین چلچ اور ناروے کے کیسپررڈ فرنچ اوپن ٹینس مینز سنگلز مقابلوں کے سیمی فائنل میں پہنچ گئے جبکہ روسی سیونتھ سیڈ آندرے روبلوف کوارٹر فائنل میں شکست کے بعد میگا ایونٹ سے باہر ہوگئے۔ فرانس کے دارالحکومت پیرس میں کھیلے گئے مینز سنگلز مقابلوں کے کوارٹر فائنل میں کروشین مارین چیلچ روسی حریف آندرے روبلوف کو 7-5، 3-6، 4-6، 6-3 اور 6-7(2-10) سے ہرا کر ٹورنامنٹ کے سیمی فائنل کیلئے کوالیفائی کرلیا۔ ناروے کے کیسپر رڈ نے ڈنمارک کے ہولگر وِٹس رونے کو 1-6،  6-4،  6-7(2-7) اور3-6 سے شکست دیکر نہ صرف میگا ایونٹ سے باہر کر دیا بلکہ کسی گرینڈ سلام کے سیمی فائنل میں پہنچنے والے پہلے نارویجن کھلاڑی ہونے کا اعزاز بھی حاصل کرلیا۔