لاہور(سپورٹس ڈیسک ) افغانستان نے سری لنکا کو تین میچوں پر مشتمل ون ڈے سیریز کے پہلے میچ میں 6وکٹوں سے شکست دے کر سیریز میں ایک صفر کی برتری حاصل کرلی ۔ میزبان سری لنکن ٹیم پہلے کھیلتے ہوئے 268رنز پر آئوٹ ہوگئی ۔ گریتھ اسالانکا 91‘ پتھیوم نسانکا 38 ‘دھننجایا ڈی سلوا51رنز بناکر نمایاں رہے ۔ فضل حق فاروقی اور فرید احمدنے دو دو کھلاڑیوں کوآئوٹ کیا ۔ افغان ٹیم نے ہدف چار وکٹوںپرپورا کرلیا ۔ ابراہیم زادران 98اور رحمت شاہ 55‘کپتان حشمت اللہ شہیدی 38رنز بناکر نمایاں رہے ۔ کاسن راجیتھا نے دو کھلاڑیوں کو آئوٹ کیا ۔ ابراہیم زادران کو میچ کا بہترین کھلاڑی قرار دیا گیا۔