شہر کے 5 امتحانی مراکزپرآج سے6 جون تک دفعہ144 نافذ

لاہور(خبرنگار)ضلعی انتظامیہ نے شہر کے 5 مقامات پر 3 سے6 جون تک دفعہ144 نافذ کردیا۔ پی ایس سی ایگزامینیش سنٹر جوہر ٹاؤن، پنجاب گروپ آف کالجز غالب روڈ‘ گلبرگ تھری پر دفعہ 144 کا نفاذ ہوگا۔ پی ایم ایس امتحانات کے پیش نظر 5 مقامات پر 144 نافذ کی گئی ہے۔ڈی پی ایس ماڈل ٹاؤن بوائز کیمپس ،گرلز کیمپس گیٹ نمبر 6 پر دفعہ 144 نافذ ہوگی۔نوٹیفکیشن کے مطابق گورنمنٹ شہدائے اے پی ایس میموریل ماڈل ہائی سکول ماڈل ٹاؤن بھی شامل ہے۔ مذکورہ مقامات میں صرف امیدوار یا متعلقہ افراد کا ہی داخلہ ممکن ہوگا۔امتحانی مراکز کے گرد 100 گز کے فاصلے تک نوٹس، کتابیں ، اسلحہ لانیپر پابندی ہوگی۔