لاہور (نیٹ نیوز) میکسیکو کی ریاست جالیسکو کے مضافاتی علاقے سے پولیس نے انسانی اعضاء  کے ٹکڑوں سے بھرے ہوئے 45 پلاسٹک کے تھیلے دریافت کرلیے۔ غیر ملکی میڈیا کے مطابق پولیس کا کہنا ہے کہ انسانی اعضاء  سے محسوس ہوتا ہے کہ یہ کال سینٹر کے گمشدہ 7 ملازمین کی باقیات ہیں۔ مقامی پراسیکیوٹر کا کہنا تھا کہ ابتدائی تحقیقات میں خدشہ ظاہر کیا گیا ہے کہ دریافت شدہ انسانی اعضاء گمشدہ سات کال سینٹر ملازمین میں سے چند نوجوانوں کے ہو سکتے ہیں کیونکہ اعضاء  کی خصوصیات ان سے مماثلت رکھتی ہیں۔ تاہم فارینزک کے بعد اس حوالے سے کوئی حتمی رائے قائم کی جا سکے گی۔