سرائے مغل:بااثر افراد نے مویشیوں کی چراگاہ کیلئے جنگلات کوآگ لگا دی

سرائے مغل(نامہ نگار)با اثرا فراد نے اپنے مویشیوں کی چراگاہ کیلئے محکمہ جنگلات کے لگائے درختوں کوآگ لگا دی،لاکھوں کانقصان ہوگیا۔گزشتہ روزہیڈ بلوکی سے نکلنے والی ایک بی ڈی سی کے کنارے پرمحکمہ جنگلات نے شجرکاری کی ہو ئی تھی کہ اس میں اچانک آگ بھڑک اٹھی اوردیکھتے ہی دیکھتے ایک وسیع رقبے پر پھیل گئی۔محکمہ جنگلات کے فارسٹ گارڈغلام حیدر اپنے ملازمین کو ہمراہ لے کرموقع پر پہنچے اورآگ بجھانے کی کوشش کی مگرتیزہوا کی وجہ سے آگ ایک وسیع رقبہ تک پھیل گئی جس کی وجہ سے محکمہ جنگلات کے لگائے گئے لاکھوں کے درخت جھلس کر کوئلہ بن گئے۔