فاروق آباد(نمائندہ خصوصی) پیپلز پارٹی کے رہنما وحلقہ پی پی 143 کے ٹکٹ ہولڈر چودھری طاہر سعید بھون نے کہا ہے ہم قائد عوام ذوالفقار علی بھٹو کے انقلابی ویژن کی تکمیل کے ضامن اور جمہوریت کے فروغ کے داعی ہیں جس کیلئے چیئرمین بلاول بھٹو زرداری کی قیادت میں جاری جدوجہد کو پایہ تکمیل تک پہنچا کر دم لیا جائے گا۔ پیپلز پارٹی ملک کو آئین جمہوریت اور جوہری توانائی سے سرفراز کرنے والی جماعت ہے جس کی قیادت اور کارکنوں نے ملک و قوم کی خاطر لازوال قربانیاں دی ہیں، بلاول بھٹو کی قیادت میں پارٹی کی قوت میں اضافہ ہوا ہے۔