ملک کے بیشتر میدانی علاقوں میں گرمی کا راج ‘پارہ 50 ڈگری سینٹی گریڈ تک پہنچ گیا

اسلام آبا د(نمائندہ نوائے وقت)ملک کے بیشتر میدانی علاقوں میں اتوار کو بھی گرمی کا راج رہا، کہیں پارہ 50 ڈگری سینٹی گریڈ سے بھی اوپر چلا گیا ،کہیں 50 ڈگری کے آس پاس کی گرمی محسوس کی جا تی رہی ،لاہور سمیت پنجاب کے کئی اضلاع میں درجہ حرارت 45 ڈگری ،کراچی میں 42 ڈگری کی گرمی محسوس کیے جانے کی پیش گوئی کی گئی ہے۔محکمہ موسمیات کے مطابق جنوبی سندھ کے بیشتر اضلاع میں گرمی کی لہر جاری ہے، سیکڑوں افراد ہیٹ اسٹروک کا شکار بھی ہوئے ہیں، حیدر آباد سمیت جنوبی سندھ کے بیشتر اضلاع ان دنوں شدید گرمی کی لپیٹ میں ہیں جہاں سورج آگ برسا رہا اور پارہ 43 سے 52 سینٹی گریڈ تک پہنچ گیا ۔ ۔