بنگلور (اے پی پی) انگلینڈ کرکٹ ٹیم کے ٹاپ آرڈر بلے باز جوناتھن ٹروٹ نے ایک روزہ میچوں میں تیز ترین ہزار رنز مکمل کرنے کا عالمی ریکارڈ برابر کر دیا۔ انہوں نے یہ اعزاز ورلڈکپ میں آئرلینڈ کے خلاف میچ میں حاصل کیا۔ 29 سالہ ٹروٹ نے بدھ کو آئرلینڈ کے خلاف شاندار بیٹنگ کا مظاہرہ کرتے ہوئے 9 چوکوں کی مدد سے 92 رنز بنائے، بدقسمتی سے وہ 8 رنز کے فرق سے ورلڈکپ مقابلوں کی پہلی سینچری سکور کرنے میں ناکام رہے۔ انہوں نے 21 اننگز میں 54.10 کی اوسط سے ہزار رنز مکمل کرکے ویسٹ انڈیز کے مایہ ناز بلے باز ویون رچرڈز اور ہم وطن کھلاڑی کیون پیٹرسن کا تیز ترین ہزار رنز مکمل کرنے کا ریکار برابر کیا ہے۔