سوئی ناردرن گیس نے پنجاب کی صنعتوں کو ہفتے میں تین روز گیس کی فراہمی کا نوٹیفیکشن جاری کرتے ہوئے لاہور اور ساہیوال کی صنعتوں کو یکم مارچ کی صبح چھ بجے سے گیس کی فراہمی شروع کر دی ہے جو پانچ مارچ کی صبح چھ بجے تک جاری رہے گی۔ ان صنعتوں کو زمزمہ گیس فیلڈ کی بندش کے باعث گیس بند رہنے پر دوروز کے لئے اضافی سپلائی بھی دی جارہی ہے ۔سوئی ناردرن حکام کا کہنا ہے کہ موسم کی شدت میں کمی کے باعث گیس کا شارٹ فال کچھ کم ہوا ہے جبکہ وزیراعظم نے آپٹما کے وفد سے ملاقات کے بعد پنجاب کی صنعتوں کو ہفتے میں تین روز گیس کی فراہمی کے احکامات بھی جاری کیے ہیں۔