یوٹیلیٹی سٹورزر پر دال ماش چھلکا 113 روپے اور دھلی 80 روپے کلو مہنگی، کئی کی قیمت کم

لاہور (کامرس رپورٹر) یوٹیلیٹی سٹورز پر ایک کلو دال ماش دھلی کی قیمت میں 80 روپے کلو اضافہ جبکہ دال چنا کی فی کلو قیمت میں 4 روپے، دال ماش کی قیمت میں 2 روپے اور ثابت مسور کی قیمت میں 2 روپے کمی کر دی گئی جس کے مطابق ایک کلو دال ماش کی قیمت 195 روپے سے بڑھ کر 275 روپے جبکہ ایک کلو دال چنا کی قیمت 124 روپے سے کم ہو کر 120 روپے، دال مونگ 160 روپے سے کم ہو کر 158 روپے اور ایک کلو ثابت مسور کی قیمت 130 روپے سے کم ہو کر 128 روپے ہو گئی۔ دال ماش چھلکا 113 روپے کلو اضافے کے بعد 258 روپے کلو ہوگئی۔